KOMMUNIMUT QINERSINEQ 2021

SASSARTITAGUT.

Demokraatit partiitut pingaarnertut suliassaraat Nunatta sapinngisamik namminersorfiunissaa qulakkiissallugu. Kalaallit Nunaat inuttut kiffaanngissuseqarnermik imminullu akissussaaffeqarnermik pingaartitsiffiusoq. Kalaallit Nunaat immikkuullarissumik kultureqarnerminik ileqqoqarnerminillu puigugaqanngisaannartoq. Kalaallit Nunaat nunatsinni asaqisatsinni alianaatsorsuarmilu sulerusullutillu najugaqarusuttunut tamanut inissaqartitsisoq. Minnerunngitsumillu Kalaallit Nunaat immitsinnut iluamik pissusilersorfigisarput – allallu isumaannik isiginnittaasiinillu ataqqinniffiusoq.

KOMMUNIMUT QINERSINEQ 2021

Sassartitagut Naapikkit

Kikkulluunniit suleqatigisinnaavagut, naalakkersuisoqatigiilli ullumikkumut naleqqiullugu Nunatsinnik saamimmut saqisitsinerusut peqataaffigilernavianngilagut. Nunarput liberaliunerusoq kissaatigaarput, liberalimik eqqarsartaaseqarluni pissusiviusunut isiginnittaaseqarneq siuariartornerunermik, pigissaarnerunermik atugarissaarnerunermillu kinguneqartussaammat.

KOMMUNI ATAQATIGIITTOQ ATAQATIGIIFFIUSORLU

Meeqqat inuusuttullu

Kommuneqarfik Sermersooq kommuniuvoq alliartortoq minnerunngitsumillu nuannaarutissaavoq, kommunimi meeqqat amerlanerummata, taamaattumillu meeqqat atualersimanngitsut Demokraatit aamma uummammiorilluinnarpaat.

Atuaruk
Inuussutissarsiorneq

Inuussutissarsiorneq nukittooq nunamut tamarmut pisuujunerulersitsissaaq, taamaattumillu pingaartorujussuulluni ineriartortuarnissaat.

Atuaruk
Peqqinneq- isumaginninneq aamma utoqqarnut politikki

Missiliorneqarpoq, ukiut tulliuttut qulit ingerlaneranni innuttaasut inooriaatsimut pissuteqartumik nappaatillit qaffassimassasut ukiunilu tulliuttuni utoqqaat amerligaluttuinnassasut tamannalu peqqinnissaqarfimmut suliassatigut nanertuutaalissasoq.

Atuaruk
Ineqarnermut attaveqaatinullu politikki

Nuummi sanaartortoqaqaaq allilerinissamullu pilersaarutit annertupput. Illoqarfimmut illoqarfinnit minnerusunit nussorneq qujarutissavarput akiornagu.

Atuaruk
Piujuartitsineq nukissiuutinillu ataavartunik atuileriartorneq

Kommunitsinni kusanartorsuarmik avatangiiseqarpugut – illoqarfigut Nuuk, Ittoqqortoormiit, Paamiut imaluunniit Tasiilaq pigaluarutsigit.

Atuaruk